أربعة أربعة ..مسرحية للكاتب سعد موسى مهيوس
******************
المنظر على الخشبة
لافتة وسط الخشبة كتب عليها شركة ريح العون للمقاولات والاستثمار
على يمين الخشبة باب الشركة ثم مكتب صغير خلفة دمية ..
ثم مكتب آخر خلفة دمية ثم مكتب السكرتيريا
على اليسار مكتب المدير والي الامام يساراً تظهر ترامس قهوة شاي
نسكافي كاكاو الخ ..
) النظاف أشنابوا ( يمسح ويدندن بأغنية لو كان ريح العون
يقترب من كرسي السكرتيرا مظهرا مشاعر الحب )
( تصل السكرتيرا )
( النظاف ينظف بأرتباك مدعياً أنة لم يكن يفعل شيئًا ( السكرتيرا تعرف
حركاته معبرةً (بوضع يداها في خصرها متسائلة (
*****************
حــــوار
زكية كمّلت يا شنابوا..
أشنابو كمّلت واكملت ) يقولها بي وله وحب (
) زكية متجهه لمكتبها . بدلع ومكر (
أشنابو ... أأأأ أكملت تنظيف أأووالملطف أكمل
زكية . أنت أكملت أشنيبات وصماطة .. حقيتك ونحق فيك .. راني نحكي مع
الاستاذ أعقاب
) يرن الهاتف النقال ويرن الارضي ويرنن هواتف كثيرة فيما يغادر أشنابو
مشيراً بحركة " واويا (
زكية ألوا هاي جودا .. ألحظة ألو .. هاي حمدي أألحظة ألوا من ..؟ لامازالن
الشقق ألوا شركة ريح العون معاك .. أألحظة ألو ألو ألو (وتتطاير
الهواتف ويصخب الرنين وفجأة
يصل المدير )... أعقاب )
أعقاب صباح الخير ( موجه التحية لزكية و .. (يتكلم بالهاتف النقال )
توا غير طلعت مالحوش ( ويشير لزكية بالسكوت وبغمزه آآ انا بعد ساعة
انكون ف المكتب (يشير لزكية ) جيبلي قهوة .. ثم يكمل المكالمة ) لآلآ
موضوعك تمام تم أنت ف الشقق اللي تمن .. ( ينظر لزكية
هاتي لاوراق اللي امس .. آآ حظك مالسما يا ..توا المهندس
كلمني ع الشقق اللي اسمك فيهن .. ايو .. آآآ الاوراق قدام
زكية هذين والا هذين ) تقترب بالوراق ..)
يختلط الامر على أعقاب بين زكية و المكالمة ويتكلم عبر الهاتف (
مش هذين.. لاورق
امتاعات تم تم حظك مالسما (يتكلم عبرالهاتف )
حاظر مازلت ف الطريق شقتك واتيا) يكلم زكية ( ثم عبر الهاتف
قتلك جيبي ألاورق الي اسم الثقيل اللي يكلم في .آآآآ أ،نت كيف
خشيت ف الخط ... أنت مش زكية آآآآ
) ينظر لزكية ثم الهاتف آآآ أرجى آآ خلاص مش انت يا.. يآآآآآآ
آآ انت وين ؟ .. وراي .. ؟ وين انا راني في شارع آآ سوق الهترش ..آآآ
(يظهر أغريب خلف أعقاب حيث دخل لمقر الشركة وأعقاب يكلمة معتقداً أنة لايراه
أعقاب آآ وراي ؟ آآآ شفتك في المرايا .. ياخسارة نا فتت المفوز ..
) تحاول زكية الاشارة الي أعقاب بوجود أغريب زبون الشركة المتقدم
لحجز شقة (
) أغريب يغمض عين ويبقى الاخرى ويهز رأسة منتظراً أن ينتبة له أعقاب
ليفضح كذبة (
أعقاب ماشي ..(يقفل الخط يتجه الي زكية ليكتشف وجود أغريب ) آآآ اسمالله الكريم ..
ااا آهـه هــه ها ها
) يلفق كذبة عاجلة (شوف بالله تو عارفك ..غير قلت أندير طرح لغريب آآاسال
آآ أ يش رايك في الجو ..هــه عارفك وراي .. عارفك
أغريب ماعلينا ماعلينا ...
زكية فعلاً .. قبل ما تجي قالي تو أندير طرح للأستاذ أغريب .. يعزك راهو معزتك
خاصة عند أعقاب الاستاذ أعقاب ديما يحكي عليك أغريب صاحبي مش
مجرد زبون يتعامل مع الشركة أغريب حبيتا من أول دفعة
.. دفعها للشركة .. أغريب من أول الحاجزين ف الشقق
.. ولازم يكون من أول المستسلمين ..(ينظر إليه أغريب ) آآآ قصدي المستلمين
) ينظر أعقاب للجمهور متعجباً من قدرة زكية ع التأليف والتماهي مع أي كذبة
يكذبها قائلاً
أعقاب (اللي يبي سكرتيرا .. يا كيف زكية يا بلاش يا .. آآآه ؟ لا ما دوروش
الهيكل .. المهم المحرك يا .. آآهه ؟ ..آ فيها أزواق ؟,استك ؟
لكن خرطات بسيطة مافيش حاجة بعيدة
آآآههــه ؟ والله ما نندري عنها انا جتـني هك ..لاقانك فتش وافحص يا
أغريب ..... فيها أزواق والا ما فيها غير سلموها لي تو انزوقها ونشطبها راني من أول
المقدمين وما قتلك .. انريدها ف الدور الارضي راني ..
.
أعقاب أحترم نفسك ... الي نظيف يمشي الهلها .. ومن جيهتي نشهد بالله انها
نظيفة يا .. راة الكلام واعر يا...
أغريب ياراجل انت هو بوها وكيالها غير سلمها لي نبي نخدمها عليما هلي بمزاج ...
أعقاب يلتفت لزكية التي تطبع في اوراق ) كيف .. ياأغريب أنت عليش
تحكي بالزبط ؟
أغريب توا تبي تماطلني آخرى ؟.. قتلي المرة لولا المهندس قالك خلاص ع المفتاح
يستلمو بعد شهر ..
أعقاب تفضل للمكتب توا انقولك كيف صار تفضل استاذ تفضل
(ف المكتب يشير أعقاب للترامس المصفوفة بجانب المكتب )
أعقاب قهوة ...
أغريب ( يشير بيدة لاشكرا..) يتكرر المشهد حيث هناك ع الطاولة ترامس وعلب)
أعقاب قهوة .. شاهي ... نسكافي .. كاكاو .. بوطاس .. كابتشنو .. ملطف ..
أغريب ) بإستياء ) خلينا ف الشقة.. انتوا شركة اتفقنا امعاكم بناء علي اعلانكم
وقعنا عقد على سنة تمت ف اسنين .. دفعنا مقدماً وانت وقعتوا
مع مصرف وبرنامج .. الشقة الشقق وين يا
قعدنا نسمعو في علل واشياخا ..
أعقاب لالا لازم اتحدد ،علل ..؟ والا اشيخا ؟ راه فيه فرق
أغريب يا سيدي اسمعنا طقيق علل
أعقاب آ طقيق ماشي
أغريب .. الشركة مرهونة ما مرهونة افلوسنا راحن ماراحن أنتو تلعبوا بينا والاكيف؟
أعقاب لحظة بس .. يا زكية ، شوفي فتحية اتكلم نورية اتجيـبلنا القائمة من
الكومبيوتر
نحنا شغلنا كلا ع الكومبيوتر.. اسمك ف المنظومة. كل شي منظم تي كيف يا
.) زكية عبر بالهاتف )
زكية تبيهن عبر الايميل والا الفاكس استاذ ؟
أعقاب الو آآ حوليهن لي ع الفاكس و الا الايميل .. والا انقولك هاتيهن من هنا
) زكية تقلب اوراق المكتب ثم تتجه لسلة المهملات وتلتقط اول ورقة
( تحظر أوراق مكرمشة وغير منظمة تسلمها لي اعقاب )
أعقاب آآآ هــه الكومبيوتر مزاجا متعكر يلعن شكلك يازكية
أغريب تي هذين مش طالعات من كومبيوتر .. هذين طالعات م الغسالة
أعقاب عشان تعرف شغلنا نظيف ريتا ؟
أغريب لالالا أنتو نصابين وين افلوسي ؟
اعقاب لاه لاه يااستاذ أغريب لاه أنت نحسابك جاي فرحان وعندك علم ..
من الاخبار السعيدة بخصوص شقتك ؟
أغريب علم من شنو ؟
أعقاب لا لا لا انا زعلان منك لا لا متحكي امعاي بلكل ..
أغريب كيف صار ياراجل ؟ هــه غير اني سكت هـــه
أعقاب أنت محظوظ ياراجل أنت ف الجنب الحصين .. لالالا أنت مالجماعة اللي ف
القائمة أشقكم جاهزات ...لا لالالا ماتحكيلي بلكل .. أنت محظوظ ..الشقة
امتاعك هي اللي ف العمارة اللي بدوا يشطبوا فيها
أغريب لا ياراجل
أعقاب لالا لابد داير حاجة انت داير حظرة والا احجاب والا امك داعيتلك ..اليوم
يا راجل كلمني المهندس وقالي خلاص خلال شهر يستلموا والمجموعة
اللي فيها اغريب .... انا ديما انكلم ف المهندس وانقولا كان بديـتوا
في المرحلة الاخير ابدو فل العمارات اللي فيهن اغريب
. لالالا حظك بلكل انت ... مش غير العمارات اللي فيهن شقتك
تي بدوا ف العمارة اللي ع اليسار اللي فيها شقتك ياراجل..
أعريب لا ياراجل
أعقاب لالالا انت شقتك واتيا أكيد عندك علم غير دايرلي طرح .. ريتا اسمك اهو
طالع ما لكومبيوتر اهو اسمك امعنقر ماشالله مشالله .الكومبيوتر
مايكذبش منظوما يا ..تعال شوف ريتا هذا اسمك وهذي رقم الشقة اهي
مكتوب جنبها وااا تيـــاات
أغريب ) يحدجة بنظرة )
أعقاب ااا قصدي بالانجليزي مكتوبة وات ذس از ..اهييــة
أغريب ايش معناها
أعقاب معناها ها لخبر ايسما
أغريب أعــه ؟
أعقاب خلاص ااستاذ أغريب انت ما لجماعة اللي اشققهم في الشهر الجاي
تستلموا لالا خلاص اشقا بالعشا والاثاث امتاع الشقة .. ريت ريت راه
في محلات بالتقسيط الاثاث كلا لالالا دير عشا اشقا بالمعازيم آهي شقتك
ع المفتاح خلاص ، بعدها ما شالله اشقق واسعات والمربوعة واسعة
وهذكوم الضيوف واصحابك وانسابتك جايين اباركو وداير عشاك اربعة
اربعة والعويلة يلعبوا يجاروا ف هاذيك الشقة الواسعة
) يأخذ أعقاب بكتف أغريب ويمشي به الي خارج الشركة وأغريب في
حالة حلم بما يسمع (
أعقاب وانت اتهارج ف العويل .. اقعد ياولد اقعد ياولد بشواش ع الشقة مازالت
جديدة والضيوف يقلولك خلي لعويلة يلعبوا فراحا بالشقة
وانت ما فيش اعناد اقعد أقعد ياولد
( أغريب يكرر وهو في حالة تخدير)
إغريب أقعد ياولد اقعد ياولد ( يغادر الشركة مخدراً حالما (
( أعقاب ينفظ كفييه وكأنة تخلص من شي ما .. مدندن عائدة الي مكتبة 
